Оның айтуынша, отандық төрт ғылыми-зерттеу институты бірігіп, ғылыми консорциум құрып, су қауіпсіздігі, су ресурстары саласындағы мамандарды келесі жылдан бастап арнайы үш жылдық бағдарламамен даярлайтын болады. 

Сонымен қатар медициналық жоғары оқу орындарында мамандар даярлауға бөлінетін гранттар саны артады. 

«Қазақстандықтардың денсаулығын қамтамасыз ету мемлекеттің маңызды міндеттерінің бірі болып табылады. Пандемия кезінде медициналық кадрлардың жетіспеушілігін сездік. Осыған байланысты Мемлекет басшысы үш жыл ішінде жыл сайын резидентурада даярлауға гранттар санын 70%-ға арттыруды тапсырды. Бұл бағытта Денсаулық сақтау министрлігімен бірлесіп жұмыс істейміз», - деді министр.