Алматы облысы атынан Батыс Қазақстан облысы Орал қаласына 15 волонтер көмекке барды. Апат болған аймақтағы ахуалды штаб өкілдерімен хабарласып, қажетті заттар жібереді. Жалпы 9 аудан, 1 қала бойынша 3 апта көлемінде 500 волонтер жұмыс атқарды. 230 тонна гуманитарлық көмекте азық-түлік, киім-кешек, төсек-орын, тұрмыстық техника, генераторлар, шатырлар, сөмкелер мен күректер болды.
«ҚТЖ арқылы 130 тонна жөнелтілсе, жүк көліктері арқылы 100 тонна жөнелтілді. Сонымен қатар, қазіргі уақытта Атырау облысына 61 тонна гуманитарлық көмек жөнелтілді. Оның ішінде: 56 тонна мұздатылған құс еті, 5 тонна макарон өнімдері. Сондай-ақ зардап шеккен аймақтарға құтқару жұмыстарына арналған 171 техника бірліктері жіберіліп, «Қазақстан халқына» және «Демеу Қазақстан» қорларына 48 млн теңге қаржылық көмек аударылды», – деді спикер.
