Оның айтуынша, аталған заң қабылданғанға дейін жұмыс берушінің, жеке кәсіпкердің қызметі тоқтатылған немесе заңды тұлға таратылған жағдайда бұл міндеттемелер мемлекетке өтеді. Бұл ретте мүгедектер кәсіпорынның қызметін тоқтата тұру кезеңінде немесе банкроттық рәсімдерін жүргізу кезінде техникалық құралдарды алу және оңалту мүмкіндігінен айырылған.
«Іс жүзінде банкроттық процедура 1,5 жылға дейін созылуы мүмкін. Көрсетілген кезеңде өндірісте мүгедектік алған адам оңалтудың техникалық құралдарынсыз қалады. Мысалы, облыстардың бірінде азамат өз құқығын жүзеге асыра алмайды – жұмыс берушіден ОТҚ және төлем ала алмайды. Өндірісте мертіккен, жарақат алу фактісі дәлелденген. Бірақ ол жұмыс істеген компания жұмыс істемейді, тарату туралы ақпарат мұрағатта жоқ, ұйым интеграцияланған салық ақпараттық жүйесінің дерекқорында тіркелмеген. Демек, мүгедектігі бар адам жұмыс берушіге жүгінуі керек, ал ол енді жоқ, бірақ заңды тұлға да жабылған жоқ. Енді мемлекет банкроттықты, жұмыс берушілердің таратылуын күтпей, адамдарды ОТҚ және қызметтермен қамтамасыз ететін болады», - деді спикер.
Бүгінгі таңда елімізде мүгедектігі бар адамдар саны 2,7 мыңға жуық.
