Спикер ЭШФ беруді шектеу мәселесіне қатысты жалған мәмілелердің алдын алу үшін автоматты бақылау қолданылатынын түсіндірді. Тәуекелдерді басқару жүйесі арқылы қауіптер анықталған жағдайда салық төлеушіге бұзушылықтарды жою немесе растайтын құжаттарды ұсыну туралы камералдық бақылау хабарламасы жіберіледі. Талаптар орындалмаған жағдайда ЭШФ беру және банктік операцияларды жүргізу шектелуі мүмкін, бұл жалған салықтық схемаларды жедел тоқтатуға мүмкіндік береді.
Сондай-ақ спикер 2026 жылдан бастап ҚҚС теңгеріміне негізделген e-Тамға сервисі арқылы ЭШФ-ты автоматтандырылған бақылау жүзеге асырылып жатқанын атап өтті.
«Жүйе нақты уақыт режимінде салық теңгерімін есептеп, расталған шығынсыз, сатып алуларсыз немесе импортсыз шот-фактураларды беруге жол бермейді. Бұл ретте механизм кезең-кезеңімен, бизнес-қоғамдастықтың пікірін ескере отырып енгізілуде, ал сервиске қосылу ерікті негізде жүзеге асырылады», – деді Сейілжан Ахметов.
Сонымен қатар көлеңкелі экономиканы қысқарту және тауар айналымының ашықтығын арттыруға бағытталған тауарларды таңбалау және қадағалау жүйесін дамыту да маңызды бағыттардың бірі болып табылады. МКК акцизделетін өнімдерді таңбалау бойынша салалық орган болып табылады. Темекі өнімдерін міндетті таңбалау 2020 жылдан бері қолданыста, ал алкоголь және сыра өнімдерін таңбалау 2026 жылдың ақпан айынан бастап кезең-кезеңімен енгізілуде. Таңбалау жүйесі тауарлардың өндірістен немесе импорттан бастап соңғы сатылымға дейінгі қозғалысын бақылауға мүмкіндік береді, бұл нарықтың ашықтығын айтарлықтай арттырады.