«Инженерлік инфрақұрылымды цифрландыру көлемі елді мекендердің 15,5 мың га құрылысы салынған аумағын қамтыды. 50 бас жоспар мен қалалардың 272 егжей-тегжейлі жоспарлау жобасына сараптама жүргізіліп, мемлекеттік қала құрылысы кадастрына енгізілді. Сонымен қатар бірқатар қала құрылысы жобалары әлі де пысықтауды қажет етеді», – деді спикер.
Сондай-ақ ол Комитеттің 2025 жылғы жұмыс қорытындылары туралы есеп берді. Жергілікті атқарушы органдарға қатысты 72 тексеру іс-шарасы жүргізіліп, 59 лауазымды тұлға 11,9 млн теңге сомасына әкімшілік жауапкершілікке тартылған. Мемлекеттік сәулет-құрылыс бақылау басқармалары 3088 тексеру жүргізіп, 4851 субъектіні жалпы сомасы шамамен 2 млрд теңгеге әкімшілік жауапкершілікке тартты. 21 ұйым лицензиясынан айырылды.