«Шымкент жаңа оқу жылын апатты мектепсіз бастайды. Үш ауысымды мектеп саны 14-тен 9-ға дейін төмендейді. Жалпы 2025 жылға дейін Шымкентте 68 500 орындық 72 мектеп бой көтереді. Биыл білім ұйымдарының материалдық-техникалық базасына баса назар аударылуда. Мектептерді жабдықтауға 7 млрд теңгеге жуық қаржы қаралды», - деді Әйтенов.
Сонымен қатар, балалардың қауіпсіз ортада білім алу үшін, іште дәретханасы жоқ 36 мектепке қосымша дәретхана салынып, бұл мәселе толығымен шешімін табады. Сондай-ақ, әкім жаңа оқу жылына дейін барлық мектептерде соңғы талаптарға сәйкестендірілген бейнебақылау мен адамның түр-тұлғасын анықтайтын кіргізіп-шығару жүйесі орнатылатынын жеткізді.