Саланы қолдау жұмыстары жалғасады. Жыл сайын ауыл шаруашылығы өнімдерін өндірушілерді қолдау үшін қаражат бөлінеді. Биыл осы мақсатқа 3,1 млрд теңге қарастырылды.
«Тұщы су тапшылығына қарамастан, ірі қара мал басы 4%-ға, жылқы 9,5%-ға, түйе 3%-ға, қой мен ешкі 2%-ға артты. Әлеуметтік маңызы бар азық-түлік бағасын тұрақтандыру бойынша жұмыстар тұрақты жүргізіледі Өңірде 1,1 млрд теңгенің үстінде тауарлық-қаржылық тұрақтандыру қоры қалыптастырылды. Соның шеңберінде 755 млн теңге мөлшерінде айналым қоры құрылып, өңірдегі ірі сауда желісімен келісім жасалды. Нәтижесінде әлеуметтік маңызы бар азық-түлік тауарларының 14 түрі нарықтан 10-15% төмен бағамен сатылуда», - деді облыс әкімі.
Сонымен қатар, әлеуметтік маңызы бар азық-түлік тауарларының бағасын тұрақты ұстау үшін кәсіпкерлер, тауар өндірушілер сондай-ақ ірі сауда орындары арасында 200-ден астам меморандум жасалды.