Әріптестердің денсаулығы мен өмірінің қауіпсіздігін қамтамасыз ету үшін ведомствода белсенді түрде вакцинация жүргізілуде. Ерлан Тұрғымбаев Орталық коммуникациялар қызметінде журналистердің сұрақтарына берген жауабында қызметкерлердің 93% - ы 2 кезеңмен вакцинацияланды деп мәлімдеді.
«Біз «қашықтан» жұмыс істей алмаймыз, дәрігерлер де, біз ұдайы қызметтеміз, халықпен тікелей байланыста жұмыс істейміз, оқиға орнына барамыз, жәбірленушілермен жұмыс істейміз, қылмыскерлерді іздейміз. Ішкі істер органдарының қызметкерлері үшін қауіпсіздік шараларын қамтамасыз ету – басты орында. Барлық ішкі істер органдарында медициналық пункттер бар, оларда дәрі-дәрмектің барлық жиынтығы бар», - деп сендірді елдің бас полицейі.