Оның айтуынша, барлық ақпараттық жүйелерді біріктіретін цифрлық жоба әзірленді. Сондай-ақ, «Е-апостиль» және «Е-заңнама» жүйесін дамыту жұмыстары қолға алынды. Жақын арада «Е-сараптама» ақпараттық жүйесін енгізу жоспарланып отыр. Сонымен қатар, министр жаңа Әкімшілік рәсімдік-процестік кодекстің қолданысқа енгізілуіне тоқталды.
«Әкімшілік рәсімдік-процестік кодекс қоғамдық қатынастың жаңа үлгісін енізеді. Бұл кодекстің негізгі ең маңызды жаңашылдықтарының бірі - мемлекеттік органдар мен азаматтар арасындағы дауларды ерте кезінде, сотқа дейінгі кезеңде шешудің жаңа мүмкіндігі», - деді М.Бекетаев.