Оның айтуынша, осы бағыттағы жұмыстар министрлікпен және жергілікті атқарушы органдармен, басқа да мемлекеттік органдармен бірлесе жүргізіледі.
«Мәдениет және спорт министрлігінің бұйрығымен бірқатар құқықтық актілер бекітіліп, қабылданды. Жалпы, қағидаларда мемлекеттік шығармашылық және спорттық тапсырыстардың жүзеге асуына қатысы бар 3 жақтың да мүдделері ескеріліп отыр, олар: мемлекеттік тапсырысты орналастыратын - жергілікті атқарушы орган (оператор); мемлекеттік тапсырысты орындаушы - өнім беруші; бала мен оның заңды өкілі. Мемлекеттік шығармашылық және спорттық тапсырыс 4 жастан 18 жасқа дейінгі балаларға, оның ішінде ерекше қажеттіліктері бар балаларға қолданылатын болады. Мемлекеттік шығармашылық тапсырыстың жан басына шаққандағы нормативтік қаржыландыру әдістемесіне сәйкес шығармашылық үйірменің 59 түрі қарастырылған», - деді вице-министр.
Әр баланың қызығушылығына қарай мемлекеттік шығармашылық, спорт және қосымша білім беру тапсырыстар аясында көзделген екі үйірмеге тегін қатысуға құқығы бар.