ҚР Еңбек және халықты әлеуметтік қорғау вице-министрі Ерлан Әукеновтің айтуынша, құжатта «мүгедек» тұлғаны кемсітетін терминология «мүгедектігі бар адам» деп алмастыру; «мүгедек баланы тәрбиелеп отырған отбасы» мәртебесін беру қарастырылған. Санаторийге жолдамалар мүгедектігі бар баланың ата-анасының біреуіне немесе қамқоршысына беріледі.
«Сырттай куәландыруды енгізуді заңнамалық бекіту; мүгедектігі бар адамдарды жұмысқа орналастыру жөніндегі квотаны орындамағаны үшін жұмыс берушілердің міндетті өтемақы төлеу тетігін енгізу. Бұл заңда жаңашылдықтар көп. Мүгедек адамдардың құқықтары мен әлеуметтік қорғалуын қамтамасыз ету жөніндегі заңнаманы жақсарту және жетілдіру жөніндегі жұмыс жалғасады. Ұлттық жоспардың басқа бағыттарын өзге министрліктердегі әріптестеріміз де іске асыруда. Денсаулық сақтау министрлігі туа біткен даму кемістіктерін және тұқым қуалайтын ауруларды анықтауға балаларды скринингтен өткізу бойынша жұмыс жүргізуде; оңалту көмегінің сабақтастығы мен үздіксіздігін қамтамасыз ету; диагностика және емдеу хаттамаларын жетілдіру. МСМ балалар мен жасөспірімдер спорт ұйымдарында мүгедектігі бар спортшылардың жаттығу процесін ұйымдастырады; Паралимпиадалық және басқа да спорт түрлері бойынша жаттығу процесін ұйымдастыру әдістемесін әзірлейді. ИИДМ заңнамалық деңгейде «ақылға қонымды бейімделу» ұғымын бекітумен, көліктік қолжетімділікті арттырумен айналысады. Кеше ғана ИИДМ мүмкіндігі шектеулі адамдар мен басқа да мүмкіндігі шектеулі азаматтардың қолжетімділігін қамтамасыз ету үшін елді мекендердің, қалалық кеңістіктің жоспарлануы мен құрылысын, тұрғын үй және қоғамдық объектілер құрылысын реттейтін нормативтік - құқықтық актілерге өзгерістер енгізу бойынша ұсыныстар дайындау жөніндегі жол картасы бекітілді», - деді спикер.
Ол сондай-ақ барлық нормативтік-құқықтық актілерге түгендеу; шетелдік заңнамаға, заңнаманы өзгерту практикасы мен тәжірибесіне талдау жүргізіледі; жұртшылықтың ұсыныстарын жинауға, талдауға және өзгерістер мен толықтырулар енгізу бойынша ұсыныстар пакеті әзірленеді деп сендірді.
