«Төтенше жағдай бөлімшелерінің нақты және жылдам іс-әрекеттерінің арқасында өрт сөндіріліп, адамдар қауіпсіз жерге көшірілді. Қылмыскерлер қару-жарақ дүкендерін құқық қорғаушыларға қарсы шығып, қарапайым халыққа сес көрсету мақсатында тонаған. Түрлі нысандарды өртеп, жедел жәрдем мен өрт сөндірушілердің жұмысына кедергі келтірді. Құқық қорғау органдары оларды ашуға булыққан қарапайым шерушілер деп ойлады. Сондықтан да, оларға қатысты қару қолданылған жоқ. Қазір біз олардың наразылық акцияларын өз мақсаттары үшін қолданғанын түсінеміз. Олар көшеге шыққан бейбіт тұрғындарды қалқан ретінде пайдаланды. Қылмыскерлердің жасаған қатыгездіктерін көріп, қарапайым азаматтар үйлеріне тарады деп сенемін. 5 қаңтардан бастап қалада тек бандиттер мен террористер қылмыс жасады. Бейбіт шеру осымен аяқталған болатын. Біз терроризм актілеріне тап болдық. Қала әкімдігінің ғимараты, Президент резиденциясы мен әуежайды басып алды. Олардың алдын ала дайындалған іс-әрекеттері мен қатыгездігі өзара ұйымдасқан шабуылдар сипатын көрсетті. Өкінішке орай, әріптесіп атап өткендей, құрбан болғандар бар», - деді прокурор.
Ол азаматтарымыздың қауіпсіздігі мен өмірін қорғау жолында қаза болғандардың туыстары мен жақындарына, сондай-ақ «Алматы трагедиясы» салдарынан зардап шеккендердің барлығына көңіл айтты.